Getariako Udalak, Katxalin Bularreko eta Ginekologiako Minbiziagatik eragindako emakumeen Elkartearekin elkarlanean bularreko minbiziaren prebentzioari buruzko hitzaldi informatiboa antolatu du datorren ostegunerako. Hitzaldia, Donostia Onkologiko Institutuko Arrate Plazaola doktoreak emango du eta bularreko minbiziaren zergatia, tratamenduak eta prebentzioa izango ditu hizpide.
Hitzaldia datorren ostegunean 18:30ean izango da Alondigan eta herritarrak eta bereziki emakumeak bertara gonbidatuta daude. Izan ere, “bularreko minbiziaren detekzio goiztiarrari gero eta garrantzi gehiago ematen zaio, eta honi buruz ondo informatuak egotea funtsezkoa da guztiontzat” azaldu dute Katxalin Elkartetik.