Larunbaten Mahats Bilketaren XIII. Jaia ospatu zuten txakolinzaleek zein herritarrek, Lege Zaharren Enparantzan. Aurten Murkil Zarauzko dendarien elkartea omendu dute, haren 30. urteurrenean. Bertan izan zen Florentino Peñagarikano, elkarteko ordezkari gisa. Jatorri izendapena osatzen duten upeltegi guztietako mahatsa prentsatu ostean, topa egin zuten urteko lehenbiziko muztiorekin.
Topa egin ostean, Iratzarri dantza taldeak Txakolin dantza eskaini zuen, otxote baten laguntzaz. Ekitaldia Andoni Egaña eta Sebastian Lizasoren bertso saioarekin amaitu zen. Urtero legez, jendetza bildu zen bertan.
