Abuztuan Iphone eta Android mugikorretarako Zarautz aplikazioa argitaratu zenetik, 2.696 pertsonek deskargatu dute. «Kopurua oso altua da, erabiltzaile asko izan dituela adierazten du eta ebaluatzeko eta iritziak jasotzeko unea da. Orain, ekarpenak jaso eta hobekuntza berriak sartzeko baliatuko dugu denbora hau”», diote arduradunek. Interesa dutenek doan jaitsi dezakete. Android telefonoa dutenek Google Play programaren bitartez egin ahalko dute, eta Iphonea dutenek, berriz, Itunes-en bidez. Bilatzailean aplikazioaren izena idatzi behar da.