Joxe Mari Korta zumaiarra gogoratu dute gaur eguerdian, bere izena daraman Oikiako industriagunean . Bidetik fundazioak antolatuta, elkarretaratzea egin dute haren senitarteko eta urkoek, eta baita instituzioetako ordezkariek ere. Besteak beste, bertan bildu dira EAJko Markel Olano eta Joseba Egibar, PPko Carlos Urkijo, Eusko Jaurlaritzaren Biktimen Arretarako zuzendari Maixabel lasa eta Zumaiako alkate Iñaki Agirrezabalaga. Aurten gainera, Martin Garitano ere gehitu zaie haiei. Lehenbiziko aldia da Gipuzkoako ahaldun nagusiak ETAren biktima jakin baten aldeko omenaldian parte hartzen duena. Fundazioko ordezkari Jexux Mari Mujikak, ordea, protagonista bakarra Korta bera dela nabarmendu du: «Halako ekitaldiak ez dira inoiz politika partidista bat bultzatzeko erabili eta ez dira erabiliko». Duela hamabi urte hil zuen ETAk Gipuzkoako enpresaburuen elkarteko burua, haren enpresaren atarian bonba auto bat leherrarazita
