Herriko frontoien inguruko film laburra eskainiko dute bihar, Ispilu Arte galerian 18:45ean. Andoni Egaña eta Manu Urbietak egin dute gidoia, eta Xabier Zabalak jarri du musika. ZKEko presidente ohi Pako Urkia eta pilota saileko lehendakari ohi Antonio Elosegiri egindako elkarrizketak ere gehitu dituzte lanean.
Aurrez, 18:30ean, lunch-a eskainiko diete bertaratzen direnei, txistulariek girotuta.
Jarraian, arte eta pilota oroigarrien enkantea ere egingo dute. Herriko artistek eskainitako artelanak aterako dituzte enkantera, eta baita garai bateko pilotako elastikoak eta garaikurrak, besteak beste. Lortutako dirua pilota elkarteari emango diote. 19:15ean hasiko dute enkantea.