Eneritz Mitxelena eta Jaione Galdos bikoteak irabazi du Frontoi Txikiko Emakumezkoen IV. Paleta Txapelketa. Atzo arratsaldean jokatu zuten finala, eta 30-23ko emaitzarekin nagusitu ziren, Leire Paredes eta Juani Etxarri bikotearen aurka. Finaleko norgehiagokaz gain, hirugarren eta laugarren postuak erabakitzeko lehia ere izan zen. Azkenean, June Aldaz-Garazi Eizmendi nagusitu ziren Vanessa Ezkurdia-Amaia Lendinezen aurka, 30-24ko emaitzarekin. Bestalde, Previa Kutxa 2012 txapelketako finala jokatuko du Jon Juaristi erremontista zarauztarrak bihar, Aizpurua II.aren aurka. Hitzordua 17:00etan izango da, Hernaniko Galarreta pilotalekuan. Finalean, erremonte jokalari zarauztarra jotzen dute faboritzat. Txapelketa irabaziko balu, zarauztarrak Torneo Kutxa jokatzeko txartela lortuko luke, momentuko bost erremontista onenen aurka: Ezkurra, Urriza, Zeberio II.a, Urrutia I.a eta San Miguelekin batera, alegia.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide