Ondorioztatutako kopurua, ordea, ez da behin betikoa; izan ere, Azti-Tekniarenak ez ezik, ICES Itsasoa Aztertzeko Nazioarteko Kontseiluak beste emaitza batzuk ere hartzen ditu kontutan kupoa zehazteko. Hain zuzen, emaitzak atzo plazaratu zituen ICESek, eta honek jakinarazi du 20.700 tona antxoa arrantzatu ahal izango dutela arrantzaleek. ICESen proposamena Europako Batzordeari igorriko diote orain, eta honek izango du azken hitza.
Adinen arabera neurtu duten antxoaren biomasa, horiek jartzen duten arraba kopuruaren bitartez. Hala, ikertzaileek ez ohiko egoerarekin egin dute topo; izan ere, bi urteko antxoak gehigo dira; %70, hain zuzen, eta ohikoena da biomasaren gehiena urtebeteko antxoak osatzea.
Pasa den antxoaren denboraldiari dagokionez, berriz, Azti Tecnaliaren arabera, “itsaso txarraren” eraginez arrantzatu dituzte aurten 6.560 tona, iaz baino 2.000 tona gutxiago.