Zarautz BTT Pagoeta taldeak antolatu du mendiko bizikleten zeharkaldia (Argazkia: Zarautz BTT Pagoeta)
Zarautz BTT Pagoeta taldeak antolatuta, Zarauzko IV. Pagoeta BTT Trabesia egingo dute uztailaren 8an. Lagunarteko irteera izango da, ez lehiaketa, eta bi ibilbide izango dira aukeran: bata, motza, 24 kilometrokoa eta zailatasun ertainekoa; eta bestea, luzea, 31 kilometrokoa eta zailtasun handiagokoa.
Antzekoak dira ibilbideak. Aritzbatalde kiroldegitik abiatuko dira txirrindulariak, 09:00etan, eta ibilbide luzekoek Agorregi eta Laurgain pasatu ondoren, Pagoetako gurutzera igoko dira, Amezketalarditik jaisteko segidan. Motzekoak, berriz, Laurgain pasatu ondoren, Amezketalarditik egingo dute buelta, Pagoetara igo gabe. Zeharkaldian jan-edanak hartzeko postuak atonduko dituzte, baita helmugan ere. Ibilbidea osatzeko gehienez ere 4 ordu emango zaie parte-hartzaileei.
Izena aurrez eman daiteke, uztailaren 4a bitartean, www.pagoeta.com webgunean. Behin izena emanda, bi eguneko epean ordaindu beharko da (Euskadiko Kutxa: 3035.0029.61.0290081192), BTT Trabesia eta norbere izen-abizenak zehaztuz. Federatuentza 10 euro izango da, eta federatu gabeentzat, 15 euro. Egunean bertan ere izena eman ahal izango da, 07:30etik 08:30era, Aritzbatalde kiroldegia aurrean.