Herritarrak kalejiran, erraldoiek, buruhandiak eta trikitilariek lagunduta, atzo eguerdi aldera (Argazkilaria: Amaia Ventas)
Egitaraua:
Ekainak 26, gaur. San Pelaio eguna
-08:00. Herria esnatzeko txaranga goiztiarra, Gurekin Jaik antolatuta.
-09:00. Diana trikitilari eta dultzaineroekin. Zarauzko Udalak eta Turismo Bulegoak antolatuta.
-Aldi berean. Txistulariekin goiz eresia, Iñurritza Jai Batzordeak antolatuta.
-10:00. Munoan, baltsa desfilea, Gurekin Jaik antolatuta.
-10:30. Baltsa lasterketa, moilatik abiatuta, Gurekin Jaik antolatuta.
-11:00. San Pelaio ermitan, meza nagusia. Iñurritza Jai Batzordeak antolatuta.
-12:00. Buruhandiak eta erraldoiak, dultzaineroekin eta trikitilariekin. Zarauzko Udalak eta Turismo Bulegoak antolatuta.
-Aldi berean. Txosnetan, paella lehiaketa, Arraio Irratiaren eskutik.
-12:30. Iñurritzako zelaian, aurreskua, Iñurritza Jai Batzordeak antolatuta.
-Aldi berean. Iñurritza Jai Batzordearen lokalean ardoa eta gazta, musutruk.
-Aldi berean. Merkatu plazan, Zarauzko Musika Bandaren kontzertua. Iosu Isastiren zuzendaritzapean, Arraunlariak, The syncopated clock, Second american folk rhapsody, Queen’s park melody eta Egmont piezak joko dituzte, besteak beste. Zarauzko Udalak eta Turismo Bulegoak antolatuta.
-17:00. Koadrilak bilduko dira Musika Plazan, brusak soinean dituztela. Zarauzko Udalak eta Turismo Bulegoak antolatuta.
-Aldi berean. Txosnetan, bertso jokoak, Motxian bertso eskolaren eskutik.
-17:30. Musika Plazatik Iñurritzara kalejira, trikitilari, dultzainero eta Bonberoenea txarangarekin. Zarauzko Udalak eta Turismo Bulegoak antolatuta.
-18:00- 20:00. Iñurritzako zelaian, erromeria, trikitilari, dultzainero eta Kupela taldearekin. Giroa alaitzeko, askaria Euskolabeldun saiheski pintxoekin. Zarauzko Udalak eta Turismo Bulegoak antolatuta.
-18:30-21:00. Iñurritza Jai Batzordeak bere lokalean ardoa eta gazta eskainiko ditu musutruk.
-20:00. Lizarrako larrain dantza herrikoia, dultzaineroekin. Zarauzko Udalak eta Turismo Bulegoak antolatuta.
-20:30. Erromesen itzulera Musika Plazara, kalejiran, Bonberoenea txarangarekin. Zarauzko Udalak eta Turismo Bulegoak antolatuta.
-22:30. Iñurritzan, erromeria Xabier Etxaniz eta Lidia Irigoienekin. Iñurritzako jai batzordeak antolatuta.
-23:00. Hondartzan, su artifizialak. Zarauzko Udalak eta Turismo Bulegoak antolatuta.
-Aldi berean. Txosnetan, kontzertua Egurra Ta Kitto! taldearekin, eta erromeria Obaneuke taldearekin. Gurekin Jaik antolatuta.
-23:30. Musika Plazan, dantzaldia Drindots taldearen eskutik. Zarauzko Udalak eta Turismo Bulegoak antolatuta.
Ekainak 27, bihar. San Pelaio bigarrena, Haurren Eguna
-05:00. Baratxuri zopa Iñurritza elkartean, Iñurritza Jai Batzordeak eskainita.
-06:00. Iñurritza auzokoen oilasko biltzearen hasiera, Iñurritza elkartean.
-11:00. Frontoi Txikian, Sebastian Aristiren omenezko XXII. jaialdia pilota partida. Euria egiten badu, Zinema frontoian izango da.
-12:00. Buruhandiak eta erraldoiak, trikitilarien laguntzarekin. Zarauzko Udalak eta Turismo Bulegoak antolatuta.
-13:30. Iñurritzako zelaian auzokoen oilasko biltzearen amaiera. Iñurritza Jai Batzordearen eskutik.
-14:00. Txosnetan, herri bazkaria, Herriraren eskutik.
-17:30. Musika Plazatik Iñurritzara kalejira, Iraunkorra txaranga, Imuntzo trikitilari eskola, buruhandi eta erraldoiekin. Zarauzko Udalak eta Turismo Bulegoak antolatuta.
-Jarraian. Erromeria Iñurritzako zelaian.
-18:00. Ikastolako kirol zelaian puzgarriak eta apar festa. Zarauzko Udalak eta Turismo Bulegoak antolatuta.
-18:00-20:00. Iñurritzako zelaian, erromeria Iraunkorra txaranga eta Imuntzo trikitilari eskolako trikitilariekin. Zarauzko Udalak eta Turismo bulegoak antolatuta.
-18:00-21:00. Iñurritza Jai Batzordeak bere lokalean ardoa eta gazta eskainiko ditu musutruk.
-18:30. Iñurritzan, Irrien Lagunekin Kultura plazara haurrentzako berbena. Zarauzko Udalak eta Turismo bulegoak antolatuta.
-19:00. Txosnetatik, Gona eta Minifalda manifestazioa. Gurekin Jaik antolatuta.
-20:00. Txosnetan, Gonafest! kontzertua eta musika elektronikoa Elektropeña eta Lizarriturri disko-jartzaileen eskutik. Gurekin Jaik antolatuta.
-20:30. Erromesen itzulera, kalejira, Musika Plazara. Zarauzko Udalak eta Turismo Bulegoak antolatuta.
-22:30. Iñurritzako zelaian, bertso jaialdia. Bertsolariak: Alaia Martin, Andoni Egaña, Felix Zubia, Agin Rezola eta Julio Soto. Gai jartzailea: Ion Zaldua. iñurritza jai batzordeak antolatuta.
-Ondoren. Erromeria Eromeria taldearekin Iñurritzan, Iñurritza jai batzordeak antolatuta.
-22:30. Musika Plazan, dantzaldia Trikizio taldearen eskutik. Zarauzko Udalak eta Turismo Bulegoak antolatuta.
Ekainak 28, etzi. Auzoko jaia.
-09:00. Diana txistulariekin, Iñurritzan. Iñurritza Jai Batzordeak antolatuta.
-11:00. Meza Iñurritzako elizan, Iñurritza Jai Batzordeak antolatuta.
-Ondoren. Iñurritzako Zaharren elkartean, hamaiketakoa auzoko zaharrentzat, Iñurritza Jai Batzordeak eskainita.
-11:30. Iñurritzako zelaian, haur jolasak. Iñurritza Jai Batzordeak antolatuta.
-14:00. Iñurritza elkartean, oilasko biltzean parte hartu dutenentzat gibel jana. Iñurritza Jai Batzordeak antolatuta.
-18:30. Iñurritzan, herri kirol jaialdia. Harri-jasotzaileak: Joxe Ramon Iruretagoiena Izeta II.-a eta Hodei Iruretagoiena Izeta IV.-a. Aizkolariak: Fausto Mugertza I. a eta Ugaitz Mugertza II.a. Iñurritza jai batzordeak antolatuta.
-22:30. Iñurritzako zelaian, kontzertua eta erromeria Fan&Go eta Bluestock taldeen eskutik. Iñurritza Jai Batzordeak antolatuta.
-00:00. Banderaren beheratzea eta festen amaierako txupinazoa.
Ekainak 30, larunbata
-19:30. Euriagatik atzertatutako Salbatore Mitxelena ikastolako ikasturte amaierako jaiko kontzertua. Zestoako
Leok´k taldea, ikastolaren eskutik.
Klikatu hemen sanpelaioetako lehenengo eguneko argazkiak eta bideoak ikusteko.
—————————————-
Elias Azpiroz
Elias Azpiroz: «Makila jasotzeko gazteegia naizela esan dit jendeak»
Elias Azpiroz zarauztarrak urteak daramatza herrian festen harira antolatzen dituzten danborradetan parte hartzen. Danbor jole gisa hasi zen gaztetxoa zela eta egun Arkaitz Mendi elkarteko zuzendaria da. «Pozez» hartu zuen atzo udal ordezkariek emandako San Pelaio Makila. Urola Kostako Hitzak elkarrizketatu zuen unean, atzo arratsaldean, oraindik ez zuen erabaki zer esango zuen makila jasotzeko unean: «Ez dut pentsatu oraindik zer esan. Ez dut diskurtsorik prestatu. Unean ateratzen zaidana esango dut».
Nola jaso duzu berria?
Oso gustura nago. Beti da pozgarria halako aitormena jasotzea. Jendeak zoriondu egin nau eta askok zera esan didate, gazteegia naizela San Pelaio Makila jasotzeko; ea dagoeneko erretiratu egin behar dudan galdetu didate.
Zer dira zuretzat San Pelaio jaiak?
Herriko festa nagusiak dira. Lehen agian Euskal Jaia izaten zen Zarauzko festa garrantzitsuena, baina kanpotar asko izaten da azken urteotan. Herriko jaiak dira sanpelaioak.
Zenbat urte daramatzazu danborradan parte hartzen?
Gaztetxoa nintzela hasi nintzen herrian antolatzen diren danborradetan parte hartzen, 14-15 urterekin, hain zuzen. Gerora, tartean-tartean Santa Marina festetakoan parte izan dut. Arkaitz Mendi elkartea sortu zenean, hura zuzentzen hasi nintzen.
Herritarrentzat lau egun irauten dute festek. Zuek, ordea, aspalditik hasiko zineten jaiak prestatzen, ezta?
Bai, hala da. Baina entsegutan baino bileretan eman dut denbora asko, festak antolatze aldera. Gaurtik aurrera izango dugu ere zer egina. Printzipioz, gaur paella lehiaketan hartuko dut parte. Txistulariekin ere jotzeko asmoa nuen, baina ezin denera iritsi.