AP-8ko autobidean, Zarauzko parean, bidea berritzeko lanak egingo dituzte ostiraletik igandera bitartean. Gaur, 21:00etan hasiko dituzte lanak eta Behobiako norabidean doazen ibilgailuak Bilboko norabidera pasa beharko dute. Lanak 15:00etan amaituko dituztela jakinarazi dituzte.
Horrez gain, Donostiako norabidean doazen ibilgailuek itxita izango dute Zarauzko ordainlekua bitarte horretan. Hori hala izanik, Zarauztik doazenek AP-8 autopistara Donostiako norabidean doazenek Orioko ordainlekuan izango dute sarrera.
Bidegik adierazi du aldizka egiten dituzten mantentze eta kontserbazio lanen baitan berrituko dute zorua asteburuan.
Lanak, hasiera batean, aurreikusitako orduetan amaituko badituzte ere, erakundeak adierazi du eguraldiaren eraginez datak eta orduek aldaketak jasan ditzaketela.