Larunbatean aurtengo denboraldiko KAE lehenbiziko mailako Ligan lehiatuko den Enbata- Inmobiliaria Orio trainerua aurkeztuko dute, eta baita arraunlari eta entrenatzaileek ere. Aurkezpen ekitaldia Musika Plazan izango da, 12:30etik aurrera. Bertan bertsolariak, trikitilariak, Goizeko Ihintza txistulariak eta Montetxio abesbatzak hartuko dute parte. Bestalde, Ziri txakolinaren elkarteak txakolina eta pintxoak eskainiko ditu, eta Solaguen upategiak ardo postua jarriko du. Zozketa “mundiala” ere izango da bertan.
Zaletuak elkartearen parte izateko helburuarekin, ZAEk 1.000 baietz bazkide kanpaina abiatuko du.