Urtero bezala, sanpelaioetarako astebete lehenago, festari ekin diote Iñurritzan. Auzoko jai batzordeak antolatuta, bertako eta artisautzako produktuen azoka egin dute goizean, baita Juan Luis Mendizabal Mendi margolariaren eskutik marrazki txokoa ere. Eguerdian, jende dezente gerturatu da txakolin dastaketaz gozatzera, eta txorizo mokadutxoak jatera. Arratsaldean, Mollarri dantza taldearen erkustaldia izango da eta, gero, triki poteoa auzoko tabernetan. Egunari kantarekin bukatuko dute; Iñurritzako Jai Batzordearen elkartean izango da eta borondatearen truke, patatak errioxar erara jateko aukera izango da.
