Otzaurte eta Lizarrusti arteko ibilbidea (Argazkilaria: Nora Azkue)
Igandean, hilaren 10ean, Goierriko Birako bigarren txangoa egingo dute Pagoeta Mendizale Elkarteko kideek. Irteera otsailaren 19an egitea aurreikusi bazuten ere, elurra zela-eta, atzeratu egin zuten; igandean egingo dute. Jakinarazi dutenez, honakoa izango da parte-hartzaileek egingo duten ibilbidea: Udana-Artzanbur-Oltza- San Adrian- Anabaso eta Otzaurte. 07:00etan abiatuko dira mendizaleak Agoueseneko biribilgunetik. Interesa dutenek Mendizabal kinkiladendan eman beharko dute izena, ostirala baino lehen.