Bihar eta etzi Euskadiko Trainerila Txapelketak jokatuko dira Zarautzen, Eusko Jaurlaritzak eta Arraunketako Euskal Federakundeak antolaturik, Zarautz Arraun Elkartea eta Zarauzko Udalaren laguntzarekin. Senior gizonezkoetan Getaria eta Zarautz lehiatuko dira; jubenil gizonezkoetan, Getaria, Zarautz eta Zumaia; eta emakume absolutuetan, Orio, Getaria eta Zumaia.
Bihar, arratsaldeko 17:00etan, maila desberdineko kanporaketak jokatuko dituzte. Etzi, berriz, Kontsolazio Txandak eta Txapelketetarako estropadak 11:30etik aurrera. Estropaden ibilbide honako hau izango da: emakume absolutuetan, lau luze eta hiru ziaboga (3.500 metro); jubenil gizonezkoetan, lau luze eta hiru ziaboga (3.500 metro); eta senior gizonezkoak, lau luze eta hiru ziaboga (3.500 metro).