Datorren ostegunean, maiatzak 31ean, Kafe Torero Kultur Egitasmoaren baitan musikaz lagundutako bertso emanaldia izango da Euskalduna Tabernan 21:30ean. Lau bertsolari igoko dira oholtza gainera: Jokin Labayen arrasatearra, Beñat Gaztelumendi añorgatarra, Iñaki Gurrutxaga oriotarra eta Iñigo Mantzisidor Mantxi zarauztarra. Gai jartzen Iker Iriarte alegiatarra arituko da.
Bat-bateko bertso emanaldi horrek, bestalde, formato orijinala izango du, bertsolarien lagungarri gisa musikariak arituko baitira Euskaldunako taula gainean. Alegiako Manillares Iturriaga Koop-Rock taldeko kideak izango dira, hain zuzen, bertsolariak musikaz laguntzen.
2010eko ekainean sortu zirenetik filosofia parte-hartzailea eta berritzailea erakutsi dute eta, izatez, 30 abeslaritik gora ditu taldeak. Kontzertuetan, dena den, txandakatuz aritzen dira kantariak eta instrumentu jotzaileak dira, oinarri moduan, beti jotzen duten bakarrak. Oraingo honetan, ordea, bertsolariek abestuko dute.
Emanaldia ohi bezala, erabat debalde izango da.
Informazio gehiago:
www.kafetorero.com