Getariako Akelarre ontziak irabazi du Gipuzkoako VII. Belaontzi Txapelketa. Larunbatean zein igandean Zumaiako uretan jokatu zen lehia, eta txapeldunaren, Zumaiako Phoenixen eta Bilboko Symphonyren arteko lehia estua medio, paregabea izan zen ikuskizuna. Larunbatean Akelarrek eta Phoenixek berdindu egin zuten; atzo, berriz, getariarrak nagusitu ziren Mollarritik bueltan. Argazkian, Akelarre ontziko eskifaia, igandeko sari banaketan.