Santa Marinako bizilagunak auzoko jaietan murgilduta daude bete-betean. Atzoko danborradaren biharamunean, Mollari dantza taldeko gaztetxoen euskl dantza erakustaldia izan dute eguerdian. Ondoren, patata tortila lehiaketa egin dute; hamar bat lagun aurkeztu da egitasmora. Arratsaldean, ohiturari jarraitu, haurrentzako korrikaldia izango da, eta Kukulu batukada taldea eta zezen txikien jaialdia. Iluntzean, parranda giroan sartuta, Fun & Go taldearen kontzertuaz gozatzeko aukera izango da. Ospakizunek astelehenera arte iraungo dute, Santa Marina egunera arte.
