Zarauzko Monte Albertia BHI institutuak bi sari lortu berri ditu Euskoskils lehiaketan. Zehazki, ileapainketa arloan eskuratu dituzte dominak Garazi Lopezek lehena, eta Nerea Alvarezek bigarrena, Lanbide-trebetasunei buruzko euskal lehiaketan. Maiatzaren 10etik 12ra izan da lehiaketa, lanbide heziketaren olinpiar jokoak bezala ezaguna, Irungo Fikoban. 19 modalitatetako 131 ikaslek gaitasun eta trebetasunak erakutsi dituzte.
Irabazleek Spainskills norgehiagokan hartuko dute parte urtarrilean, Madrilen, Euskadiko Lanbide Heziketako ikasleen ordezkari gisa.