Jana eta kirola izan ziren nagusi atzo Mikel Txiki jaietan, Aizarnazabalen. Gazteek bazkaria egin zuten gaztetxean, eta umeek jolastuz eta kirola eginez ospatu zuten atzoko eguna. Pilota partidak izan ziren frontoian, eta korrika saioak, berriz, kalean. Txikienek ere izan zuten aukera gurasoekin batera zangoak astintzeko kalean gora eta behera. Bidean bateren baten eroriko eta guzti, baina den-denak batera iritsi ziren helmugara, eta ederki gozatu zuten kirol pixka bat eginez.
