Ziklomotorrei IAT azterketa pasatu ahalko zaie datorren astelehenean zein asteartean, Getarian. Interesa dutenek ondorengo dokumentazioa aurkeztu beharko dute azterketa pasatu ahal izateko: ziklomotorraren ezaugarrien ziurtagiria (jatorrizkoa, ez da kopiarik onartuko), gida baimena eta derrigorrezko asegurua. Azterketa egiteak 25,45 euroko kostua izango da. Herritarrek Getariako Udaltzaingora deitu beharko dute txanda eskatzeko, 943-896146 telefono zenbakira. Azterketa herriko plazan egingo dute.