Goizeko manifestazioa
Arroako industrialdea hutsik
Greba Orokorrarekin bat egin du gehiengoak Zestoan. Denda eta enpresak itxita daude. Arroako industrialdea hutsik dago. Goizean manifestazioa egin dute plazatik abiatuta 50 bat lagunek. BBVA banketxearen bulegoa irekita zegoen, eta LABeko bi ordezkari bertara joan dira beraiekin hitz egitera. Bulegoko langileek, “orduantxe itxiko” zutela esan diete sindikatuko ordezkariei, haiek jakinarazi dutenez. 19:00etan beste manifestazioa izango da plazatik abiatuta.