Mikel Lorenzok Gipuzkoako eta Euskadiko Kenpo Txapelketan hartu du parte pasa den asteburuan, Eskoriatzan, eta bertan hainbat domina lortu du getariarrak; nagusien mailan, Kyu graduen baitan, Defentsa Pertsonalen Tekniken Gipuzkoako eta Euskadiko txapelduna bilakatu da; horrez gain, nagusien mailan, eta Kyu graduetako 75 kilotik beherako modalitatean, Borroken Euskadiko Txapelketa irabazi du; gradu horien modalitatean, armekin lehiatutako Katetako Gipuzkoako Txapelketan ere nagusitu da Lorenzo.
Lorenzok Kenpo-Kai Japoniako borroka-artea lantzen du Getariako kiroldegian. Lehenengo aldiz hartu du parte halako txapelketa batean, eta Araba, Bizkaia eta Gipuzkoako 120 jokalarikin batera lehiatu da getariarra.