Larunbatean Muu herri ekimenak bizikleta martxa antolatu zuen “auzoak ere pixka bat girotzeko”. 40 bat pertsonek hartu zuten parte martxan; helduek, gazteek zein haurrek. “Gustura gelditu gara. Nahi genuena lortu dugu. Gainera, eguraldi ona egin zuen”, jakinarazi du Iñaki Odriozola Muuko kideak.
“Arazo berezirik ez” zutela izan jakinarazi du Odriozolak. Hiru furgoneta zeuden, norbait nekatuko balitz bertara igotzeko: “Haur bat, esaterako, furgonetara igo zen Arroa Goiko aldapa igotzean”. Arroa Behera iritsi zirenean, klarionekin Muuren logoa egin zuten lurrean. Zestoara, 19:00ak inguruan iritsi ziren.
Ostiralean kontzertuak
“Diru pixka bat lortzeko asmoarekin”, kontzertuak antolatu dituzte ostiral honetarako Gaztetxean. Mondocane eta Bufalo taldeak izango dira.
Bizikleta martxaren hasiera Erdi kalean goitik behera