Kontsumobide prestakuntza zentroak erosketa berdeari buruzko prestakuntza saioa eskainiko du bihar, Salbatore Mitxelena Ikastolak antolatuta. Erosketaren irizpide ekologikoak: Erosketa berdea hitzaldia izango da hala, kiroldegiko bigarren solairuko aretoan, 17:30ean. Jakinarazi dutenez, programaren helburua gurasoei eta irakasleei erosteko irizpide berdeak helaraztea da. Jardunaldi teoriko-praktikoa izango da, euskaraz. Hala ere, gaztelaniaz informazioa eskuratu nahi izanez gero, Ikastolako idazkaritzan izango da eskuragarri.