Bangassou Fundazioaren inguruko hitzaldia izango da etzi Udaberri egoitzan, 10:00etan. Afrika Erdiko Errepublikako herri horretan garapena bultzatu eta laguntzea du helburu aipatu fundazioak, eta horren inguruko informazioa helaraziko du Arantxa Urresti hizlariak. Bertaratzen direnek bertako historia, egoera eta garapenerako hartutako neurriak ezagutuko dituzte. Astelehenean Helduen Eskolan eskainiko du hitzaldi bera Urrestik, 18:00etan.