Hondakinak biltzeko atez ateko sistema indarrean jartzea erabaki aurretik, Udaleko beste alderdiei eta herritarrei zuzendutako prozesu parte hartzailea zabaltzeko eskatu du EAJk. "Gu prest gaude eztabaidatzeko, sistemaren alde onak eta txarrak aztertzeko; jendeak aukera izan dezala iritzia emateko". Gipuzkoako 34 udalerritan –Zumaia tartean– atez ateko sistema ezarriko dela iragarri zuen Bilduk asteazkenean. EAJren iritziz, "herriari galdetu gabe egiten bada, inposaketa politikoa izango da".