Afizionatuen tropela, lehiari ekiteko gogotsu. Argazkia: Gorka Zabaleta
Zumaiako IV. Txirrindularitza Saria jokatuko da larunbatean, goizeko 9:30etatik aurrera. Zumaiako probak emango dio hasiera Hego Euskalerriko errepideko denboraldiari. 112 km-ko lasterketa izango da; aurrena saihesbidetik 3 itzuli emango dituzte txirrindulariek eta gero Zakila Birari beste sei. Elite eta 23 urtez azpiko Txirrindulari afizionatuek hartuko dute parte. Eguerdi aldera helmugaratuko dira.