Argazkia: Arnaitz Rubio Aprea
Gaur hasiko da Hawaiiko bodyboard txapelketa, Munduko Zirkuituko lehena. Alex Urangarentzat proba berezia izango da, aurten estreinakoz 24 onenen artean lehiatuko baita. Hawaii aldera abiatu aurretik kontatu zigun hango olatua oso gustuko duela eta ilusio handiarekin dagoela. Txapelketa arratsaldeko 19:00etan hasiko da (hemengo ordua), baina Alex ez da lanean hasiko bosgarren errondara arte. Txapelketa zuzenean jarrai dezakezue internet bidez.