Manikiak “euskarri tekniko eta figura eskultoriko gisa duen balioa” aztertuko dute Balentziaga museoan. Hainbat adituk hartuko du parte hitzaldi-zikloan, eta hitzaldiak Balentziaga museoan bertan izango dira. Bihar, esaterako, Gigi Rigamonti mintzatuko da. Mundu osorako manikiak ekoizten dituen Milango (Italia) La Rosa enpresako presidentea da. Manikiak euskarri tekniko izatetik figura eskultoriko izatera dagoen aldeaz jardungo du. Hitzaldia 18:00etan hasiko da, eta doako ekitaldia izango da.