Urtarrilean egindako pintxo-poteoak izan zuen harrerarekin gustura gelditu ziren antolatzaileak eta aste bukaera honetarako berriz ere egitea pentsatu dute. Santa Ageda bezperaren aitzakian kantura ez ezik txikiteora ere aterako dira, beraz, larunbatean aiarrak. Herriko tabernariekin elkarlanean antolatu du Udalak bigarren pintxo-poteoa eta 19:30etik 22:00etara bitartean Aiako tabernetan pintxoa eta edaria 1,50 eta 2 eurotan izango dira.