Zestoako kiroldegiak jada badu aterpea. Erremate txiki batzuk egitea falta du guztiz bukatuta egoteko, baina atergunea erabiltzeko moduan jarri dute. Lanen bigarren fasean kiroldegiko kristalerak aldatu nahi dituzte Zestoako udaletxeko hirigintzako arduradunek. «Lan horiek itxaron egin beharko dute, aurtengo aurrekontuetan inbertsioetarako diru gutxi izango delako», azaldu du Ruben Alberdik, zerbitzuetako eta hirigintzako zinegotziak.