Iñaki Goikoetxeak eta Imanol Lopezek irabazi dute Orlandoko Citrus txapelketa, AEB Ameriketako Estatu Batuetako zesta-punta proba nagusia.
Zumaiarrek elkarrekin irabazi duten bigarren Citrus txapelketa izan da. Lopezek atzelarien bakarkako titulua ere irabazi du.
Honela geratu da binakako txapelketa Orlandoko Citrus txapelketan: Goikoetxea-Lopez-entzat titulua 10 punturekin. Bigarren lekuan Erkiaga eta Irastorza zortzi punturekin. Hirugarren tokian podiuma osatuz Olharan eta Alliez I geratu dira. Laugarren lekuan, bost punturekin, Olabe-Hoey eta Egiguren-Hernandez. Puntu bakarrarekin sailkapena itxi dutenak Beaskoetxea-Enbil, Erik-Oiarbide eta Foronda-Alliez II izan dira.
Giro bikaina egon da asteburuan Orlandoko frontoian, harmailak gainezka. Euskal Telebistan emango dute Orlandoko Citrus txapelketa, otsaileko lau ostegunetan, gaueko hamarrak eta erdietatik aurrera.