Johnny Tamayo zestoarrak arku tiroan Gipuzkoako Txapelketa irabazi du, basoan zehar 3D modalitatean. Joan den igandean (urtarrilak 22) jokatu zen lehiaketa Gaintzan (Gipuzkoa). Horrez gain, beste bi sari ere lortu zituen zestoarrak egun horretan: Euskal ligaxkako lehen probako lehen postua eta Donostiako Kopa. Tamayo Ordiziako taldearekin aritzen da lehian, eta azken bi denboralditan Euskadiko txapelduna izan da.