ZAE Zarautz Arraun Elkarteak hilero bigarren eskuko azoka antolatuko du aurrerantzean, kontsumo arduratsuaren alde, ingurumenaren zaintza bultzatzeko eta elkarterako finantziazio lortzeko asmoz. Igandean bertan egingo dute lehenengoa azoka, Arrona Hermanosen lokalean, 10:00etatik 14:00etara. Ildo horretatik, herritarrak etxean soberan dituzten produktuak doan ematera deitu dituzte. Asteazkenero jasoko direla jakinarazi dute, 18:00etatik 21:00etara, aipatu lokalean.
Salgai jarriko diren produktuak erabilitakoak izan beharko dute, egoera onean daudenak. Bizikletak, liburuak, CDak, filmak, jostailuak, altzariak eta etxe tresnak jasoko dituzte, besteak beste. Telefono mugikorrak ez dira onartuko.