Aritz Aranburu surflari zarauztarrak irabazi du lehen Mundaka Tubes txapelketa. Internet bidez jokatu da proba. Zarauztarraren tuboa izan da onena. Trukean, sei mila euro jasoko ditu.
Bigarren saria Iker Fuentesentzat izan da, eta hirugarrena Txaber Trojaolak. Isio Noya izan da Fuentesen saioa grabatu duena, eta Jon Aspuru Trojaolarena bideoan jaso duena.
Txapelketan parte hartzeko, Mundakako ezker olatua hartu behar zen, eta baten batek saioa bideokameraz grabatu. Ondoren, www.mundakatubes.biz webgunean izena eman, eta bertan zintzilikatu behar zen bideoa.