Urtarrilaren 28ra arte dago Pasaiako kanpoko portuko proiektuaren ingurumen txostenari helegiteak aurkezteko aukera. Jaizkibel Bizirik taldeak helegite eredu bat prestatu du, eta ahalik helegite sinatzaile gehien bildu nahi dute. Nahi izanez gero, Natur Taldea arduratuko da helegiteak bidaltzeaz. Horretarako, bihar (19:00-21:00) eta etzi (13:00-14:30) Zumaiako Natur Taldeak mahaia jarriko du, Erribera kalean nahi duenak helegitea sinatzeko aukera izan dezan. Hemen irakur dezakezue helegiterako prestatu duten dokumentua. Nahi izanez gero, artxiboa jaitsi eta ondoko helbidera bidal dezakezue: Autoridad Portuaria de Pasaia / Edificio Transatlántico / 20110 Pasaia.