Argazkia: Leire Zearreta
Goizeko 11:00etan abiatuko dira Aitzuri kaletik San Lorente aldera, han bi itzuli egin eta berriro Aitzurira bueltatzeko (ikus ibilbidea). Zazpi kilometroko ibilbidea, guztira. Sortu berri den Gipuzkoako Txakurkros Ligako hirugarren lasterketa izango da Zumaiakoa. Urtarrileko Baleike aldizkarian daukazue probari buruzko informazio guztia, Pedro Etxeberria eta Fran Aizpurua antolatzaileei egindako elkarrizketan.