Bihar, 20:00etan, ezohiko udalbatzarra egingo dute Zestoako Udalean. Bertan, honako gai zerrenda hau izango dute eztabaidatzeko, eta erabakiak hartzeko: azken bi udalbatzarretako (urriaren 18koa eta azaroaren 29koa) aktak onartzea; eta, Uudalak deitutako lehiaketa-oposizioaren epaimahaiak eginiko proposamenaren arabera, Zestoako Udalean langileen koordinatzaile/zerbitzu arduradun funtzioekin erdi mailako teknikaria izendatzea.
Aurrez aipatutako bi gai horiez gain, hiru mozio landuko eta eztabaidatuko dituzte biharko udalbatzarrean:Bilduk euskal presoen eskubideen inguruan aurkeztutako mozioa landuko dute batetik; Bilduk zekorketen inguruan herri galdeketa prozesuan abian jartzeko aurkeztutako mozioa da bestea; eta, Urolako Napar Zuzterrak taldeak Udalbatzari eta herritarrei adierazpen instituzionala eta herritarra egiteko proposamena da udaletxeko ordezkari politikoek landuko duten hirugarren mozioa.