Inoiz ez bezala bete zen atzo jendez Oxford aretoa, Joxe Manuel Manzisidorren autobiografiaren aurkezpenak erakarrita. Liburua gauzatzen lagundu duten Jasone Osoro idazlea, Joseba Ossa editorea eta Jon Ander Garcia diseinatzailea izan zituen alboan Joxe Manuelek. Denak bat zetozen: "Joxe Manuelek jendearekin komunikatzeko premia handia zuen eta horretarako idatzi du liburu hau". Dagoeneko salgai dago Aizpurua eta Otaño liburudendetan, Alondegian eta A3n.