Bilgune Feministak, Sorginak taldeak eta Mugarik Gabe erakundeak III. Zinemaldi Soziala antolatu dute, Indarkeria matxistaren aurrean ez gara kikilduko lemapean. Hala, hainbat filmeren emanaldiak antolatu ditu. Gaur izango da azken saioa, eta 20 años (Kuba) eta Martxan (Euskal Herria) ikus-entzunezkoak eskainiko dituzte, Antonianon, 19:00etatik aurrera. Horrez gain, spot sozialak ere izango dira ikusgai. Gerora, mahai ingurua egingo dute bertaratzen direnek. Sarrera doan izango da.
Bestalde,bihar indarkeria matxistaren aurkako erakusketa zabalduko dute, Merkatu plazako bigarren solairuan. Interesa dutenek hilaren 31 bitartean izango dute erakusketa bisitatzeko aukera.