Abenduaren 18rako Arroa Errekara irteera antolatu du Zestoako Natur Taldeak. 09:00etan, Gurutzetik irtenda, Zestoatik Arroa errekara joango dira. Arroa Goitik barrena, Zestoara itzuliko dira. Bertako basoa, harizti kantauriarra, ikusiko dute. Ibilaldiaren ondoren hamaiketako-bazkaria egingo dute Arroa Goiko elkartean. Edozeinek parte hartzeko moduko irteera dela azaldu dute natur taldekoek.