Aro politiko berri batek Euskal Herria argitu eta itxaropenez bete gaitu herritar oro. Benetako bake eta demokrazia egoera batera hurbiltzeko bidea egiten dihardugun honetan, oraindik ere, espetxe politikak oinarrizko eskubideak ukatzen ditu. Astebururo milaka euskal herritar errusiar erruleta batean murgilarazten dituen dispertsio politika, gaixotasun larriak dituzten presoei askatasuna ukatzea edota zigorra betea duten presoei kondenak luzatzea eragiten duten neurriak lehenbailehen indargabetu beha dira. Euskal jendartearen gehiengoak hala aldarrikatu izan du behin baino gehiagotan.