Abenduaren 3a, larunbata, euskararen nazioarteko eguna da eta, beste hainbat eragilek bezala, Eskualtxeta gaztetxeak ere eguna ospatzea erabaki du. Iluntzean hasiko dituzte ospakizunak gazteek: 19:00etan, triki-kantu-txistu poteoa egingo dute kalez kale eta tabernaz taberna. 21:30ean, berriz, bertso-afari musikatua egingo dute. Txartelak Txasko eta Mahasti tabernetan jarri dituzte salgai, eta menua zein izango den aurreratu dute: entsalada; saiheskiak parrillan, patatekin lagunduta; gazta eta irasagarra; eta edateko ura, sagardoa, patxarana eta uxuala (orujo). Afaria animatzen herriko bertsolari eta musikariak ariko dira.