Aizarnako parrokian organo kontzertua izango da igandean, 12:00etan. Loreto F. Imaz organo-jotzailea ariko da eta honek XV. XVI. eta XVII. mendeko piezak joko ditu. Kontzertua Organo Historikoen Jaialdiaren baitan izango da.
Aizarnako organoa balio historiko eta artistiko handikoa da, eta bere barruko idatzi baten arabera 200 urte baino gehiago ditu: “Organo hau Joan Manuel Betolaza donostiarrak egin zuen, Aizarnako eliztarren aginduz, Joan Zabala eta Joseph Antonio Olaskoaga ordezkariak zirela. 1792. urtea”. Organo barrokoa da eta teklatu bakarrekoa; 56 nota ditu. 1880. urtean Jose Amezuak zaharberritu zuen eta 1982an Hernaniko Alejandro Usabiaga organogileak.
Igandeko kontzertuko egitaraua:
- Aus der tabulatur (Codex von Stendal, 1448)
- Pavana con su glosa (A. de Cabezon, XVI. mendea)
- Diferencias sobre el canto llano del Caballero (A. de Cabezon, XVI. mendea).
- Tiento de mano derecha ya al medio dos tiples (P. Bruna, XVII. mendea).
- Ciacona (G. Muffat, XVII. mendea).
- Tocata Ottava (G. Frescobaldi, XVII. mendea).
- Quinto tiento de settimo tono de mano dcha (F. Correa de Arauxo, XVII. mendea).
- Batalla de sesto tono (J. Ximenez, XVII. mendea).
- Air de Ballet Pour Les basques (J.H. D’Anglebert- J.B. Lully, XVII. mendea).
- Les Demons (J.H. D’Anglebert- J.B. Lully, XVII. mendea).