Gaur, azaroaren 11, San Martin eguna, emango zaie hasiera ofiziala sanmartinetako jaiei. Aurtengoan, jai batzordeak euskal jai-giro tradizionalean oinarrituta osatu du festa programa. Bazkari eta afaritarako txartelak badira oraindik, eta Oliden, Kutixi eta Aterpen daude salgai, 25 eurotan otorduko.
Hona hemen aurtengo sanmartinetako festa programa:
Azaroak 11, ostirala
10:30ean Meza nagusia San Martinen.
Ondoren Hamaiketakoa bertsolariekin Olidenen.
Jarraian Toka eta sagar-biltzea.
17:30ean Estropadak: Sanmartinetako 10. ikurrina.
22:30ean Mus txapelketa Olidenen, prezioa 20 euro bikoteko.
Azaroak 12, Larunbata
6:00etan Oilasko-biltzea.
17:00etan Ume jolasak Txurrumuskirekin.
Gero Txokolate-jana.
21:00etan Erromeria-afaria Bide batez taldearekin. Afaritarako txerria burduntzian erreta. Oliden jatetxeko aparkalekuan. Txartelaren prezioa: 25 euro.
Goizaldean Baratzuri-zopa jana.
Azaroak 13, igandea
12:00etan Herri kirolak Heldu! taldearekin.
14:00etan Bertso-bazkaria Xabier Amuriza eta Sustrai Colina bertsolariekin eta Eneritz Bengoetxea eta Edurne Errandonea trikitilariekin.
18:00etan Aizkolariak, Agiñako rebantxa. Olasagasti eta Txapartegi, Larretxea eta EtxebesteTxisturen kontra.