Urtero legez, Murkilek Ikusi arte ekimena jarri du abian. Aurten, berrikuntza gisa, karikaturak jarriko dituzte ikusgai herriko 63 dendatako erakusleihoetan. Pasa den asteburuan Joseba Manuel Bereziartuak, Joseba Berrondok, Daniel Castellok eta Alex Herranzek Lege Zaharren Enparantzan herritarrei egindako karikaturek osatuko dute erakusketa, baita Luis Enrique Floresen eta Asier Sanzen lanek ere. Hilaren 25a bitartean izango dira erakusgai lanok.