Aspanogi Gipuzkoako Haur Minbizidunen Gurasoen Elkarteak Mobi Bike Eguna antolatu du datorren azaroaren 1erako. Elkartearentzat laguntzak lortzea eta, oro har, «ondo pasatzea» du xede ekitaldiak. Horretarako askotariko jardunaldiak antolatu dituzte hurrengo astearterako. Besteak beste, BTT trabesia, triatloi txikia eta Pirritx, Porrotx eta Marimototsen emanaldia izango da. Pailazoez gain, Euskaltel taldeko eskualdeko txirrindulariek ere hartuko dute parte ekitaldian, Aimar Zubeldia, kasu. Goizetik hasi eta arratsaldera bitartean, “tristurak eta pozak partekatzeko” aukera izango da. Izan ere, Pirritxen esanetan, “gaixorik egon den piratatxo bakoitza arrazoi bat da guztiok jai giroan elkartzeko”.