Bihar, urriak 15, Gasteizko Ariznabarra kiroldegian Euskadiko Kirol Eskaladako Txapelketa jokatuko da. Han eskualdeko eskalatzaileek lehiatuko dute, izena emandakoen artean daude Mikel Odriozola zestoarra eta Gorka Karapeto azpeitiarra.Lehiaketan izena emateko epea urriaren 13an bukatu zen. Bihar, larunbata, goizeko hamarretan hasiko da txapelketa. Orduan zozketa egin eta zenbakiak banatuko dituzte, gero 11:00etan, flasheko txapelketa jarriko dute martxan. Finalak arratsaldean jokatuko dituzte, 17:00etan hasita.