Benantxio Iruretak (Aizarna, 1953), Azpeitian bizi den aizarnarrak, uztailean Pakistanen egindako Baltoroko zeharkaldiari buruzko bideo emanaldia emango du gaur, 22:00etan, Aranburu landaetxean. Pasa den hilean Azpeitian eman zuen, eta ordukoaren antzekoa izango da gaurko saioa. Ordubete inguruko emanaldia da, eta irudiak ikusi bitartean Iruretak azalpenak emango ditu. «Niri emanaldian zehar kontatzea gustatzen zait», dio.