Gorren Mendi Ibilien I. Topaketa antolatu dute astebururako. Gaur hasi eta asteburuan zehar Estatuko hainbat gor Zarautzen elkartu eta zenbait jardunalditan hartuko dute parte. Espainaiko Kirol Federazioak antolatu du honako ekimena.
Gaur, 20:00ak aldera, egingo diete parte-hartzaileei ongi etorria Zarauzko Igerain aterpetxean . Ordubeteren buruan, afaria eskainiko zaie. 22:00ak aldera, asteburua egingo dituzten mendi ibilaldien inguruko informazioa helaraziko diete.
Donostia eta Zarautz artean
Bihar bertan egingo dute lehenengo mendi ibilaldiak, bi saiotan. Zarauztik Igeldora eta Oriotik Igeldora, hain zuzen. Gerora, bazkaldu egingo dute, eta bazkalostean, berriz, mendi ibilaldien inguruan eztabaidatuko dute. Amaitzean, Donostiatik Zarautzera bitarteko ibilaldia egingo dute. Afaldu eta deskantsatu ostean, zine emanaldia eskainiko diete kirolariei.
Igandean, berriz, Zarauztik Igeldora eta Oriotik Igeldora bitarteko txangoak egingo dituzte. 14:00etan elkartuko dira bazkaltzeko. Topaketei amaiera emateko, 15:30 inguruan agurra egingo diete.